भारत पाक सायबर युध्द

२००८ मधिल नोव्हेंबर महिन्यात भारत पाकीस्तानात सायबर वॉर सुरु झालं. भारत पाक क्रिकेट मॅच, ऑन बॉर्डर डिस्प्युट, क्रॉस फायर नेहेमीच सुरु असतं.

पण आता हा युध्दाचा नवा प्रकार आहे. ह्या मधे भारताचे सैनिक/कमांडॊज आहेत सगळे आय़ टी प्रोफेशनल्स. इथे बंदुका किंवा बॉंबचा उपयोग केला जात नाही. तर लॅप टॉप्स आणी इंटरनेट चा उपयोग करुन एक मेकांच्या वेब साइट्स क्रिपल करुन एकॉनॉमी पॅरलाइझ करण्याचा प्रयत्न केला जातो.

ह्याच सोबत आता ईंटर्नेट वर एक मेकांच्या देशातिल महत्वाच्या वेब साईट्स डिफेस करणे हे पण  सुरु झाले आहे.. एखादी वेब साइट जर हॅक झाली तर त्या संस्थेचे सगळे डिटेल्स त्या हॅक करणाऱ्या लोकांपर्यंत पोहोचतात.

इतक्यावेळेस कॉशन नोट देउन पण  शासन आणि कंपन्या  सुधारत नाही आणि इंटरनेट सेफ्टीज कडे संपुर्ण दुर्लक्ष करते आणि त्याचा परिणाम म्हणजे वेब साईट्स हॅक होणे.

कल्पना करा,एखादी वेब साइट जी ऑन लाइन ट्रॅन्झॅक्शन्स करते ती जसे… इंडियन रेल्वे ची वेब साइट हॅक झाली तर काय होइल? सगळ्या क्रेडीट कार्ड्स ची डीटेल्स, सगळे रिझर्वेशन्स, इत्यादी इत्त्यादी वर त्या सायबर अटॅकर्स चा ताबा जाइल. मग पुढे काय होइल ते मी तुमच्या कल्पना शक्ती वर सोडतो.

काही दिवसांपासुन एक अलिखीत करार झाला होता भारतिय आणि पाकी टेकी’ज ( हॅकर्स ) मधे.. तो म्हणजे तुम्ही आमच्या वेब साइटस वर हल्ला करायचा नाही आणि आम्ही तुमच्या करणार नाही.

पण एकाएकी पाकिस्तानातिल हॅकर्स (पाक बग्ज नावाचा एक हॅकर्स चा ग्रुप आहे तो ) (इस्लामिक घोस्ट टीम पण एक आहे हॅकर्सचा ग्रुप)ने भारतातिल शासकिय वेब साइट्स जसे वारंगल पोलिसांच्या वेब साईट्स, ओ एन जी सी हॅक केलेल्या दिसल्या बरोबर, भारतिय हॅकर्सनी पण जवळपास १५० पाकी वेब साईट्स हॅक केल्या आहेत.

भारतियांनी वेब साइट हॅक केल्यावर असा मेसेज दिसतो.  ही वेब साईट जो पर्यंत पाकी ओनर परत घेत नाही तो पर्यंत हे पेज असेच दिसेल. हा पहिला स्क्रिन शॉट पाकिस्तानच्या हॅक केलेल्या वेब साइटचा आहे.

हाच स्क्रिन शॉट इथे पण पोस्ट करित आहे म्हणजे वरची लिंक जरी ब्रेक झाली तरिही हा पहाता येइल.

मला सगळ्यात वाईट ह्या गोष्टीचं वाटलं की वारंगल पोलिसांची वेब साइट पण हॅक झाली .  म्हणजे सगळ्या सेफ्टीज असुन सुध्दा पोलिसांना स्वतःच्या वेब साईटचे संरक्षण करता आले नाही.    शेम ! ओ एन जी सी ही एक मोठ्ठी संस्था, नेहेमी फायरवॉल च्या मागे राहुन सुध्दा हॅक झाली , यावरुन पाकी हॅकर्सची पण क्षमता लक्षात घ्यायला हवी. दुष्मन को कभी कमजोर नहीं समझना चाहिये.

बऱ्याचशा भारतिय संस्था हल्ली इंटर्नेट सॅव्ही होऊन ऑन लाइन फॅसिलिटीज प्रोव्हाइड करताहेत. त्यांच्या सेफ्टिची पर्यायाने ’आपल्या- म्हणजे जे लोक त्या फॅसिलिटिज वापरतात त्यांची’सेफ्टी पण स्टेक वर आहे.तेंव्हा मला काय करायचंय झाली वेब साइट हॅक तर? असे म्हणुन चालणार नाही . हा आपल्या सगळ्यांच्याच सुरक्षेचा प्रश्न आहे.

बरं हा प्रकार केवळ भारतिय वेब साईट्स वरच अटॅक पुरता मर्यादित नाही, तर इव्हन ऑर्कुट सारख्या सोशल साइट्सवर पण हा उपद्व्याप सुरु झाला आहे. बऱ्याच मोठ्या कम्युनिटीज जसे पु लं देशपांडे इत्यादी ३-४ महिन्यांपासुन हॅक झालेल्या आहेत . हे नेव्हर एंडींग युध्द आहे..
हाउ एव्हर आपले भारतिय सायबर कमांडोज आहेत तत्पर  आय सी डब्ल्यु चे.. वुई इंडियन्स  आर प्राउड ऑफ यु आय सी डब्ल्यु.

इस्लामिक घोस्ट टीम पण एक आहे हॅकर्सचा ग्रुप. ह्या ग्रुपने हॅक केलेल पेज असे दिसते. आत्ताच एक हिंदुलिंक्स.ओआर्जी ही साइट हॅक केलेली दिसली म्हणुन स्क्रिन शॉट इथे पोस्ट करतोय.

हे सगळं पाहिल्या नंतर ऑन लाइन बॅंकिंग कींवा तत्सम ट्रॅंझॅक्शन्स किती करायचे ते तुम्ही ठरवा. पण एक गोष्ट आहे नथिंग ऑन द नेट इज ’सेफ’!